Gollandiya terma jamoasi, Londonning «Arsenal» klubi va «Barselona»ning sobiq futbolchisi Mark Overmars sog‘lig‘i bilan bog‘liq muammolar haqida gapirdi.
2022 yil oxirida u mikroinfarktni boshdan kechirgandi.
«Ko‘p gapirganimda chuqur nafas olishim kerak bo‘lib qoladi. Diqqatni jamlash uchun menga energiya kerak.
Mening yuragim 45 foiz o‘lik holda. Lekin xafa bo‘lishim shart emas. Men faqat energiyamni to‘g‘ri taqsimlashim kerak.
Men hech narsa qilmaslikdan ko‘ra, ishlab o‘lishni afzal ko‘raman», - deydi faxriy.
Overmars ayni damda Belgiyaning «Antverpen» klubi sport direktori lavozimini egallab turibdi.
