Голландия терма жамоаси, Лондоннинг «Арсенал» клуби ва «Барселона»нинг собиқ футболчиси Марк Овермарс соғлиғи билан боғлиқ муаммолар ҳақида гапирди.
2022 йил охирида у микроинфарктни бошдан кечирганди.
«Кўп гапирганимда чуқур нафас олишим керак бўлиб қолади. Диққатни жамлаш учун менга энергия керак.
Менинг юрагим 45 фоиз ўлик ҳолда. Лекин хафа бўлишим шарт эмас. Мен фақат энергиямни тўғри тақсимлашим керак.
Мен ҳеч нарса қилмасликдан кўра, ишлаб ўлишни афзал кўраман», - дейди фахрий.
Овермарс айни дамда Бельгиянинг «Антверпен» клуби спорт директори лавозимини эгаллаб турибди.
