Бельгия терма жамоаси дарвозабони Тибо Куртуа 2026 йилги жаҳон чемпионатининг бош фаворити сифатида Испанияни кўрсатди.
Мундиалнинг 1/8 финалида АҚШни 4:1 ҳисобида мағлуб этган бельгияликлар чорак финалда Испания билан тўқнаш келишади. Испанлар эса чорак финал йўлланмасини Португалияни 1:0 ҳисобида мағлуб этиб қўлга киритишганди.
«Энг кучли саккиз жамоа қаторига кириш — фахрланиш учун асос. Бироқ биз Испания жуда кучли эканлигини ва у ерда кўплаб иқтидорли футболчилар борлигини биламиз. Мен испанларни жаҳон чемпионатининг бош фаворити деб ҳисоблайман», — дея Куртуанинг сўзларини келтиради Madrid Universal нашри.
Бельгия ва Испания терма жамоаси ўртасидаги чорак финал учрашуви 10 июль куни бўлиб ўтади. Ўйин Тошкент вақти билан соат 00:00 га белгиланган.
