“Barselona” hujumchisi, avvalroq “Bavariya” va Dortmundning “Borussiya” klublarida o‘ynagan Robert Levandovski Bundesligadagi chempionlik poygasi haqida gapirdi va chempionlik uchun kurashda sobiq jamoalaridan qaysi birini qo‘llab-quvvatlashini aytdi.

"Agar ulardan biri hozir qoqilsa, ikkinchisi Germaniya chempioniga aylanadi. Ammo menimcha, "Bavariya" to‘g‘ri yo‘lda. Albatta, so‘nggi bir necha hafta ichida jamoaga ta’sir qilishi mumkin bo‘lgan ko‘plab qarorlar qabul qilindi. Albatta, hozirgi holat butun chempionat uchun qiziq, ammo menimcha, “Bavariya” hali qolganlardan biroz oldinda.

Men Yevropada ko‘p odamlar “Borussiya” chempionlikni qo‘lga kiritsa, Bundesliga uchun yaxshiroq bo‘lardi, deganlarini eshitdim. Lekin men har doim "Bavariya" tarafdoriman va yigitlar chempionlikni qo‘lga kiritishlari va eng zo‘r ekanliklarini ko‘rsatishlari ishonaman. Oxirgi uch tur juda qiziqarli bo‘ladi” - dedi Levandovski Run nashriga.

31-turdan so‘ng, “Bavariya” Bundesliga turnir jadvalida “Borussiya Dortmund”dan 1 ochkoga o‘zib ketdi.