«Chelsi» yarim himoyachi Meyson Maunt bilan shartnomani uzaytirish borasida muzokaralarni davom ettirmoqda.

Evening Standard xabariga ko‘ra, 24 yoshli yarim himoyachi London klubi rahbariyatidan jamoadagi boshqa tajribali futbolchilar qatorida bir xil maosh so‘ragan. Masalan, yangi shartnomaga ko‘ra, himoyachi Ris Jeyms yiliga 15,2 million yevro oladi. Meyson ham taxminan shuncha xohlaydi.

Avvalroq OAVda «Chelsi» rahbariyati futbolchini jamoada saqlab qolish uchun bor kuchini ishga solish niyatida ekani haqida ma’lumotlar paydo bo‘lgandi.

Qayd etilishicha, Mauntning o‘zi ham «ko‘klar» lagerida qolishni istamoqda, chunki salohiyatli bosh murabbiy Maurisio Pochettino uni yangi jamoasining asosiy futbolchisi sifatida ko‘rmoqda.

Maunt joriy mavsumda barcha musobaqalarda 35 ta o‘yinda maydonga tushib, 3 ta gol urdi va 6 ta golli uzatmani amalga oshirdi.

Yarim himoyachining «Chelsi» bilan shartnomasi 2024 yilning yozida yakuniga yetadi.