Londonning “Arsenal” jamoasi kelasi mavsum oldidan tarkibni sezilarli darajada kuchaytirishga tayyorlanmoqda.
“Kanonirlar” uzoq vaqt davomida APL turnir jadvalida peshqadamlik qilishdi, biroq bir qator muvaffaqiyatsizliklardan so‘ng, birinchi o‘rinni “Manchester Siti”ga boy berishdi.
Jurnalist Ben Jeykobsning so‘zlariga ko‘ra, "Arsenal" boshqaruvchisi Mikel Arteta avvalroq yozgi transfer oynasida ko‘plab xaridlarni amalga oshirishni rejalashtirgan va boy berilgan chempionlik klubni bozorda o‘zini yanada "tajovuzkor" tutishga majbur qilishini ta’kidladi.
Londonliklar chempionatda eng kuchli jamoalar safidan joy olish niyatida, buning uchun rahbariyat katta mablag‘ sarflashga tayyor.
