«Arsenal» yetakchisi va APLning eng yaxshi futbolchilaridan biri Bukayo Sakaning qiyofadoshi topildi.

Bir qarashda, u tashqi ko‘rinishi bilan Tomas Partini ham eslatib yuboradi. «Yangi Saka»ning na manzili va na ism-sharifi ma’lum. Lekin ijtimoiy tarmoqlarga chiqqan videolavhaga qarab, uning to‘p bilan ishlashda chakki emasligiga ishonch hosil qilish mumkin.

«Arsenal» xavbeki Bukayo Saka 2022 yilning eng yaxshi futbolchilaridan biri bo‘ldi, shubhasiz. Angliyalik iqtidor Yevro-2022 finalidagi hal qiluvchi xatosini og‘riqli qabul qildi va shundan so‘ng ham «Arsenal», ham terma jamoada yetakchilar guruhiga qo‘shildi. Bukayo joriy mavsum yanada yuksaldi. Deylik, mart oyida APL laureatiga aylandi. Yilning 3-oyi chempionat doirasidagi 4ta o‘yinda 3ta gol va 2ta samarali uzatma qayd etgan 21 yoshli angliyalik so‘rovda Aleksander Isaak («Nyukasl»), Aleksis MakAllister («Brayton»), Tayron Mingz («Aston Villa»), Muhammad Saloh («Liverpul») va klubdoshi Leandro Trossardni ortda qoldirdi. 

To‘g‘ri, Saka va «Arsenal» oxirgi o‘yinlarda katta xafagarchillikka yuz tutdi. «Kanonirlar» jumladan, «Manchester Siti»ga qarshi kechgan safar o‘yinida shunchaki, «kuyib qolishdi» va chempion bo‘lish imkoniyatini keskin kamaytirishdi. Futbolchining qiyofadoshiga kelsak, u ijtimoiy tarmoqlarda allaqachon «Yangi Saka» va «Kambag‘allar uchun Saka» kabi ta’riflarga ko‘mildi.