"Arsenal" "Chelsi" yarim himoyachisi Meyson Mauntga qiziqish bildirmoqda.
Angliyalik futbolchining "ko‘klar" bilan shartnomasi 2024 yilgacha mo‘ljallangan. Tomonlar shartnomani uzaytirish masalasini muhokama qilishgan, biroq kelishuv shartlari bo‘yicha kelisha olishmagan. 24 yoshli futbolchiga ko‘plab gigantlar, jumladan, "Chelsi"ning Premyer-ligadagi raqiblari ham qiziqish bildirmoqda. Jurnalist Endi Dillonning fikricha, “Arsenal” hamon da’vogarlar qatorida. "Kanonirlar" yarim himoyachini deyarli 70 million yevro evaziga sotib olishni jiddiy o‘ylashmoqda.
Avvalroq Meyson Maunt uchun kurashda “Liverpul” yetakchilik qilayotgani xabar qilingandi, biroq yangi mavsumdan “Chelsi”ni boshqarishi kerak bo‘lgan Maurisio Pochettino futbolchini o‘zida saqlab qolmoqchi.