"Арсенал" "Челси" ярим ҳимоячиси Мэйсон Маунтга қизиқиш билдирмоқда.
Англиялик футболчининг "кўклар" билан шартномаси 2024 йилгача мўлжалланган. Томонлар шартномани узайтириш масаласини муҳокама қилишган, бироқ келишув шартлари бўйича келиша олишмаган. 24 ёшли футболчига кўплаб гигантлар, жумладан, "Челси"нинг Премьер-лигадаги рақиблари ҳам қизиқиш билдирмоқда. Журналист Энди Диллоннинг фикрича, “Арсенал” ҳамон даъвогарлар қаторида. "Канонирлар" ярим ҳимоячини деярли 70 миллион евро эвазига сотиб олишни жиддий ўйлашмоқда.
Аввалроқ Мэйсон Маунт учун курашда “Ливерпуль” етакчилик қилаётгани хабар қилинганди, бироқ янги мавсумдан “Челси”ни бошқариши керак бўлган Маурисио Почеттино футболчини ўзида сақлаб қолмоқчи.