Luka Modrich "Real Madrid" "Manchester Siti"ga qarshi o‘yin oldidan o‘ziga ishonishini aytdi.
Chempionlar ligasida 6-marta g‘alaba qozonish imkoniyati haqida:
"Bu juda motivasion. Zidan bizga meros haqida gapirganda ko‘rsatgan video haligacha esimda. Albatta, biz tarix yaratishda davom etish imkoniyati haqida o‘ylaymiz, ammo bunday uchrashuvlar o‘z-o‘zidan motivasiya sanaladi. Keyingi final juda yaqin ekanini bilsangiz, unga bor kuchingizni berishni xohlaysiz. Biz tarix yaratishga yaqinmiz.
Bu ajoyib o‘yin, biz o‘zimizni qulay his qiladigan uchrashuvlardan biri. Bizga Chempionlar ligasi yoqadi, chunki bu bizning turnirimiz. Bunday o‘yinlar oldidan qulaylik hissi bor va shuning uchun ham tez-tez g‘alaba qozonganmiz. Biz ishonamiz va 100 foiz kuchimizni beramiz", - dedi “Real” yarim himoyachisi.