Лука Модрич "Реал Мадрид" "Манчестер Сити"га қарши ўйин олдидан ўзига ишонишини айтди.
Чемпионлар лигасида 6-марта ғалаба қозониш имконияти ҳақида:
"Бу жуда мотивацион. Зидан бизга мерос ҳақида гапирганда кўрсатган видео ҳалигача эсимда. Албатта, биз тарих яратишда давом этиш имконияти ҳақида ўйлаймиз, аммо бундай учрашувлар ўз-ўзидан мотивация саналади. Кейинги финал жуда яқин эканини билсангиз, унга бор кучингизни беришни хоҳлайсиз. Биз тарих яратишга яқинмиз.
Бу ажойиб ўйин, биз ўзимизни қулай ҳис қиладиган учрашувлардан бири. Бизга Чемпионлар лигаси ёқади, чунки бу бизнинг турниримиз. Бундай ўйинлар олдидан қулайлик ҳисси бор ва шунинг учун ҳам тез-тез ғалаба қозонганмиз. Биз ишонамиз ва 100 фоиз кучимизни берамиз", - деди “Реал” ярим ҳимоячиси.