Мадриднинг «Атлетико» клуби раҳбарияти «Барселона» ярим ҳимоячиси Марк Бернальни нишонга олди ва каталонияликлардан уни Хулиан Альварес трансфери бўйича келишувга қўшишни сўрамоқда. Бу ҳақда Mundo Deportivo газетаси хабар бермоқда.
Манбанинг маълум қилишича, «Барселона» Альварес учун 100 миллион евро ва ўз ўйинчиларидан бирини таклиф қилишга тайёр, аммо Бернальни эмас. Таъкидланишича, «кўк-анорранглилар» 19 ёшли футболчи билан хайрлашишни режалаштирмаяпти.
Ўтган мавсумда «Барселона» тарбияланувчиси барча турнирларда 33 та учрашувда майдонга тушиб, бешта гол урди ва битта голли узатмани амалга оширди.
