Колумбия терма жамоаси ярим ҳимоячиси Хаминтон Кампас Жаҳон чемпионати-2026 дан сўнг ватанига қайтмади.

Журналист Камило Пинтонинг Х ижтимоий тармоғидаги саҳифасида хабар беришича, бунга футболчи 1/8 финал доирасида Швейцарияга қарши ўйиндан кейин олган таҳдидлар сабаб бўлган. Эслатиб ўтамиз, ушбу баҳсда Колумбия пенальтилар сериясида 3:4 ҳисобида имкониятни бой берганди.

Ўйиннинг 115-дақиқасида Хаминтон Кампас қулай вазиятдан дарвозани ишғол эта олмади (тўпни дарвоза тўсинидан юқорига йўллади), натижада Колумбия турнирни тарк этди. Шундан сўнг Кампас ва унинг оиласига нисбатан таҳдидлар бошланди: футболчи уларни жиддий қабул қилди ва ватанига қайтмасликка қарор қилди.