Milanning «Inter» klubi rahbariyati turkiyalik yarim himoyachi Xakan Chalxanoglu bilan yangi shartnomani imzolashni rejalashtirmoqda.

Bu haqda insayder Fabrisio Romano ijtimoiy tarmoqlar orqali ma’lum qildi.

Jurnalistga ma’lum bo‘lishicha, tomonlar allaqachon muzokaralar olib borgan va yangi shartnoma bo‘yicha kelishib olgan.

Tomonlar o‘rtasidagi shartnoma 2027 yilning o‘rtalarigacha hisoblab chiqiladi. Xakanning «neradzurrilar» bilan amaldagi shartnomasi kelasi yilning iyun oyida yakuniga yetadi.

29 yoshli yarim himoyachi joriy mavsum Italiyada 31 ta o‘yinda maydonga tushib, 3 ta gol urdi va 6 ta golli uzatmani amalga oshirdi.