"Napoli" vingeri Xvicha Kvarasxeliya faoliyatini "Chelsi"da davom ettirishi mumkin, deb xabar beradi Il Mattino.
Nashrning yozishicha, "ko‘klar" Neapol klubiga gruziyalik vingerning transfer oynasida mavjudmi yoki yo‘qligini bilish uchun so‘rov bilan chiqishgan.
Avvalroq Xvichaga "Liverpul" va "Manchester Siti" klublari ham qiziqish bildirgan. Futbolchining o‘zi "Real"da o‘ynashni orzu qilishini aytdi.
22 yoshli gruziyalik futbolchi yozda Batumining "Dinamo"sidan 10 million yevrodan sal ko‘proq evaziga sotib olingan va "Napoli" bilan 2027 yilning iyunigacha shartnoma imzolagan edi.
Joriy mavsumda u neapolliklar safida 40 ta o‘yin o‘tkazib, 14 ta gol urdi va 17 ta golli uzatmani amalga oshirdi.
