"Barselona" sport direktori Mateu Alemani jamoada qolishga qaror qildi. Bu haqda Ispaniyaning Sport nashri xabar bermoqda.
Eslatib o‘tamiz, avvalroq Kataloniya klubi joriy mavsum yakunlanganidan so‘ng mutaxassis jamoani tark etishini e’lon qilgandi. OAV xabariga ko‘ra, Alemani "Aston Villa"ga o‘tishi kerak edi.
Manbaga ko‘ra, 17 may, chorshanba kuni Alemani “ko‘k-anorranglilar” prezidenti Joan Laporta bilan uchrashuv o‘tkazgan va unda 60 yoshli funksioner klubdagi faoliyatini davom ettirishga tayyorligini ma’lum qilgan.
Avvalroq “Barselona” muddatidan avval Ispaniya chempioniga aylangandi. Xavi Ernandes shogirdlari ayni damda ikkinchi o‘rindagi "Real"dan 14 ochko oldinda.
