"Барселона" спорт директори Матеу Алемани жамоада қолишга қарор қилди. Бу ҳақда Испаниянинг Sport нашри хабар бермоқда.
Эслатиб ўтамиз, аввалроқ Каталония клуби жорий мавсум якунланганидан сўнг мутахассис жамоани тарк этишини эълон қилганди. ОАВ хабарига кўра, Алемани "Астон Вилла"га ўтиши керак эди.
Манбага кўра, 17 май, чоршанба куни Алемани “кўк-анорранглилар” президенти Жоан Лапорта билан учрашув ўтказган ва унда 60 ёшли функционер клубдаги фаолиятини давом эттиришга тайёрлигини маълум қилган.
Аввалроқ “Барселона” муддатидан аввал Испания чемпионига айланганди. Хави Эрнандес шогирдлари айни дамда иккинчи ўриндаги "Реал"дан 14 очко олдинда.
