Madridning “Real” klubi prezidenti Florentino Peres Chempionlar ligasi yarimfinalining javob o‘yinida “Manchester Siti”dan uchralgan mag‘lubiyatdan so‘ng (4:0) g‘azablandi. Jurnalist Xosep Pedrerollning yozishicha, o‘yindan so‘ng “qirollik klubi” rahbari futbolchilar bilan hatto gaplashmagan.

Manbaning qo‘shimcha qilishicha, Peres jamoasining tajribali o‘yinchilari "Manchester Siti"ga qarshi o‘yinda yomon o‘ynaganidan g‘azablangan. "Real Madrid" endi kuchliroq tarkib izlab transfer bozorida ko‘proq ishlashi kutilmoqda.

Eslatib o‘tamiz, "qaymoqranglilar" bu mavsumda Ispaniya kubogida faqat bitta sovrin bilan chegaralangandi.