"Real" yarim himoyachisi Toni Kroos jamoasining Chempionlar ligasini yarim finalda tark etishida hech qanday fojia ko‘rmayapti. Kecha hal qiluvchi bahsda Karlo Anchelotti jamoasini 4:0 hisobida mag‘lub etgan "Manchester Siti" finalga yo‘llanmani qo‘lga kiritdi.
"Real Madrid" bilan murabbiy yoki futbolchi sifatida shartnoma imzolaganingizda, shuni bilishingiz kerakki, bu yerda umidlar eng yuqori. Yaxshiyamki, biz bir necha bor katta muvaffaqiyatlarga erishdik, lekin har yili Chempionlar ligasida g‘alaba qozonishning iloji yo‘q”, - dedi Kroos “Manchester Siti”ga qarshi o‘yindan keyin bergan intervyusida.
Eslatib o‘tamiz, Kroosning shartnomasi mavsum oxirida yakuniga yetadi. Mish-mishlarga ko‘ra, nemis futbolchisi allaqachon bir yillik yangi shartnoma imzolagan, biroq hozircha "Real" bu xabarni tasdiqlamagan.
