"Реал" ярим ҳимоячиси Тони Кроос жамоасининг Чемпионлар лигасини ярим финалда тарк этишида ҳеч қандай фожиа кўрмаяпти. Кеча ҳал қилувчи баҳсда Карло Анчелотти жамоасини 4:0 ҳисобида мағлуб этган "Манчестер Сити" финалга йўлланмани қўлга киритди.
"Реал Мадрид" билан мураббий ёки футболчи сифатида шартнома имзолаганингизда, шуни билишингиз керакки, бу ерда умидлар энг юқори. Яхшиямки, биз бир неча бор катта муваффақиятларга эришдик, лекин ҳар йили Чемпионлар лигасида ғалаба қозонишнинг иложи йўқ”, - деди Кроос “Манчестер Сити”га қарши ўйиндан кейин берган интерьвюсида.
Эслатиб ўтамиз, Крооснинг шартномаси мавсум охирида якунига етади. Миш-мишларга кўра, немис футболчиси аллақачон бир йиллик янги шартнома имзолаган, бироқ ҳозирча "Реал" бу хабарни тасдиқламаган.
