"Manchester Siti" yarim himoyachisi Ilkay Gyundogan klub bilan bir yillik shartnoma imzolamoqchi emas. Jurnalist Kristian Falkning so‘zlariga ko‘ra, nemis o‘zini bir mavsumlik shartnoma imzolash uchun juda yosh his qilmoqda.
32 yoshli Gyundogan "Manchester Siti"dan uzoq muddatli shartnoma talab qilmoqda, aks holda u "Barselona"ga tekinga o‘tishga tayyor bo‘ladi, kataloniyaliklar esa unga uch yillik shartnoma taklif qiladi.
Eslatib o‘tamiz, Gyundogan joriy mavsum Premyer-ligada 8 ta gol va 4 ta golli uzatmani amalga oshirdi. Yarim himoyachi 2016 yildan buyon Xosep Gvardiola jamoasida o‘ynab kelmoqda.
