"Manchester Yunayted" hujumchisi Markus Reshford Angliya Premyer-ligasining "Bornmut"ga qarshi safar uchrashuviga jamoasi bilan bormadi. Bu haqda Manchester Evening News nashri xabar bermoqda.
Eslatib o‘tamiz, kechagi matbuot anjumanida "Manchester Yunayted" bosh murabbiyi Erik ten Xag Reshford kasal bo‘lib qolgani va "Bornmut"ga qarshi o‘yinni o‘tkazib yuborish xavfi haqida oldindan ogohlantirgan edi. Aftidan, angliyalik o‘zini tiklashga ulgurmagan.
Reshford "Manchester Yunayted"ning joriy mavsumdagi barcha turnirlardagi eng yaxshi to‘purari hisoblanadi. Agar jamoa "Bornmut"da g‘alaba qozonsa, keyingi mavsumda Chempionlar ligasiga qaytish uchun ajoyib imkoniyatga ega bo‘ladi.