"Манчестер Юнайтед" ҳужумчиси Маркус Решфорд Англия Премьер-лигасининг "Борнмут"га қарши сафар учрашувига жамоаси билан бормади. Бу ҳақда Manchester Evening News нашри хабар бермоқда.

Эслатиб ўтамиз, кечаги матбуот анжуманида "Манчестер Юнайтед" бош мураббийи Эрик тен Хаг Рэшфорд касал бўлиб қолгани ва "Борнмут"га қарши ўйинни ўтказиб юбориш хавфи ҳақида олдиндан огоҳлантирган эди. Афтидан, англиялик ўзини тиклашга улгурмаган.

Рэшфорд "Манчестер Юнайтед"нинг жорий мавсумдаги барча турнирлардаги энг яхши тўпурари ҳисобланади. Агар жамоа "Борнмут"да ғалаба қозонса, кейинги мавсумда Чемпионлар лигасига қайтиш учун ажойиб имкониятга эга бўлади.