Superliga 11-turida «Metallurg»ni mag‘lub etgan «Surxon» klubi bosh murabbiyi Sergey Arslonov g‘alaba siri va Nimelining yozda jamoadan ketishi yoki qolishi haqidagi savollarga javob berdi.

«Ikki turli taymlar guvohiga aylandik. Birinchi taymda chetlatishlar ko‘rdik. Ikkinchi taym boshqa tempda o‘ynadik. Vaziyatdan kelib chiqib harakat qildik. Yigitlarga o‘yin uchun rahmat. Ular bugun maydonda bor kuchlarini berib o‘ynashdi», - dedi murabbiy.

«Namangandagi o‘yin bilan bugungisini solishtirsak, bugun tezroq harakat qildik. Bugun ikki jamoa ham o‘yinda ochko olishga harakat qildi».

«Klublar legioner futbolchi tanlashda yaxshi harakat qilishayapti. Ular tanlab-tanlab olinmoqda. Bundan esa, faqat yutamiz».

«Nimeli ushbu yozda jamoadan ketishi borasida o‘ylamayapmiz. Bizda bunday variant yo‘q. Bu masalani ko‘rib chiqmayapmiz. Ammo, futbol jamoaviy o‘yin. Almashtirib bo‘lmas o‘yinchilar yo‘q. Nimeli yozda ketishi mumkinligini aytishmoqda. Buni o‘ylamayapmiz».