Суперлига 11-турида «Металлург»ни мағлуб этган «Сурхон» клуби бош мураббийи Сергей Арслонов ғалаба сири ва Нимелининг ёзда жамоадан кетиши ёки қолиши ҳақидаги саволларга жавоб берди.

«Икки турли таймлар гувоҳига айландик. Биринчи таймда четлатишлар кўрдик. Иккинчи тайм бошқа темпда ўйнадик. Вазиятдан келиб чиқиб ҳаракат қилдик. Йигитларга ўйин учун раҳмат. Улар бугун майдонда бор кучларини бериб ўйнашди», - деди мураббий.

«Намангандаги ўйин билан бугунгисини солиштирсак, бугун тезроқ ҳаракат қилдик. Бугун икки жамоа ҳам ўйинда очко олишга ҳаракат қилди».

«Клублар легионер футболчи танлашда яхши ҳаракат қилишаяпти. Улар танлаб-танлаб олинмоқда. Бундан эса, фақат ютамиз».

«Нимели ушбу ёзда жамоадан кетиши борасида ўйламаяпмиз. Бизда бундай вариант йўқ. Бу масалани кўриб чиқмаяпмиз. Аммо, футбол жамоавий ўйин. Алмаштириб бўлмас ўйинчилар йўқ. Нимели ёзда кетиши мумкинлигини айтишмоқда. Буни ўйламаяпмиз».