«Liverpul»ning sobiq himoyachisi Jeymi Karrager «Arsenal»ning joriy mavsumdagi natijalari haqida o‘z fikrlari bilan o‘rtoqlashdi.

Liganing 37-turidan keyin «kanonirlar» turnir jadvalida ikkinchi o‘rinda bormoqda. Chempionlikni rasman e’lon qilgan peshqadam «Manchester Siti»dan «Arsenal» to‘rt ochko ortda qolmoqda.

Karrager London jamoasi mavsumning ikkinchi yarmida jiddiy tanazzulga uchragani uchun chempionlik imkoniyatidan mahrum bo‘lganidan xafa bo‘ldi.

«Mavsumning ikkinchi yarmida tanazzul kuzatildi va asosiy sabablardan biri ularda tarkibning intensiv emasligi bo‘ldi.

Ular ko‘proq sifatli futbolchilarni jamoaga taklif qilishlari kerak», - deya Karragerdan iqtibos keltiradi Sky Sports.