«Ливерпул»нинг собиқ ҳимоячиси Жейми Каррагер «Арсенал»нинг жорий мавсумдаги натижалари ҳақида ўз фикрлари билан ўртоқлашди.
Лиганинг 37-туридан кейин «канонирлар» турнир жадвалида иккинчи ўринда бормоқда. Чемпионликни расман эълон қилган пешқадам «Манчестер Сити»дан «Арсенал» тўрт очко ортда қолмоқда.
Каррагер Лондон жамоаси мавсумнинг иккинчи ярмида жиддий таназзулга учрагани учун чемпионлик имкониятидан маҳрум бўлганидан хафа бўлди.
«Мавсумнинг иккинчи ярмида таназзул кузатилди ва асосий сабаблардан бири уларда таркибнинг интенсив эмаслиги бўлди.
Улар кўпроқ сифатли футболчиларни жамоага таклиф қилишлари керак», - дея Каррагердан иқтибос келтиради Sky Sports.
