"Barselona" "Atletiko Paranaense" hujumchisi Vitor Roke uchun Premyer-liga klublari bilan kurash olib boradi. Mundo Deportivo xabariga ko‘ra, braziliyalik futbolchiga "Arsenal", "Nyukasl" va "Chelsi" ham qiziqish bildirmoqda.
Oldinroq "Barselona" Rokeni ijaraga olish imkoniyatini o‘rganayotgani xabar qilingandi, chunki moliyaviy inqiroz sharoitida kataloniyaliklar uchun 50 million yevro miqdoridagi tovon puli hozir juda qimmatga tushmoqda.
Eslatib o‘tamiz, Rokening o‘zi avvalroq Yevropaning boshqa top-klubida o‘ynash varianti sabab "Barselona"ga o‘tishdan bosh tortishi mumkinligini inkor etmagandi. 18 yoshli hujumchi ushbu Braziliya chempionatida 6 ta o‘yinda maydonga tushib, 2 ta gol urdi va 1 ta golli uzatmani amalga oshirdi.
