"Барселона" "Атлетико Паранаэнсе" ҳужумчиси Витор Роке учун Премьер-лига клублари билан кураш олиб боради. Mundo Deportivo хабарига кўра, бразилиялик футболчига "Арсенал", "Ньюкасл" ва "Челси" ҳам қизиқиш билдирмоқда.
Олдинроқ "Барселона" Рокени ижарага олиш имкониятини ўрганаётгани хабар қилинганди, чунки молиявий инқироз шароитида каталонияликлар учун 50 миллион евро миқдоридаги товон пули ҳозир жуда қимматга тушмоқда.
Эслатиб ўтамиз, Рокенинг ўзи аввалроқ Европанинг бошқа топ-клубида ўйнаш варианти сабаб "Барселона"га ўтишдан бош тортиши мумкинлигини инкор этмаганди. 18 ёшли ҳужумчи ушбу Бразилия чемпионатида 6 та ўйинда майдонга тушиб, 2 та гол урди ва 1 та голли узатмани амалга оширди.
