2026 йилги жаҳон чемпионати ярим финалида Англия устидан 2:1 ҳисобида иродали ғалабага эришган Аргентина терма жамоаси футболчилари учрашувдан сўнг майдоннинг ўзида ҳиссиётларга бой тарзда ғалабани нишонлашди.
Тарқалган видеода Лионель Мессининг жамоадошлари сардорни қўлларига кўтариб, бир овоздан: «Лионель Месси билан елкама-елка ҳаракат қилсак, ҳамма нарсага эриша оламиз!» дея ҳайқиришган. Месси эса табассум билан табрикларни қабул қилди, қолган футболчилар эса финалга чиққанликни нишонлашда давом этди.
Аргентиналиклар ўйиннинг сўнгги дақиқаларида учрашув тақдирини ўзгартиришга муваффақ бўлишди. 85-дақиқада Энцо Фернандес Мессининг узатмасидан кейин ҳисобни тенглаштирди. 90+2-дақиқада эса Лаутаро Мартинес сардорнинг навбатдаги узатмасидан сўнг бош билан гол киритиб, амалдаги жаҳон чемпионларига ғалаба ва финал йўлланмасини тақдим этди.
Энди Аргентина терма жамоаси ЖЧ-2026 финалида Испанияга қарши майдонга тушади.
