Goal портали жаҳон чемпионати ярим финалларидан сўнг 2026 йилги «Олтин тўп» соврини учун асосий даъвогарларнинг янгиланган рейтингини эълон қилди.

«Бавария» ва Англия терма жамоаси ҳужумчиси Харри Кейн етакчиликни сақлаб қолди, бироқ инглизлар ярим финалда мусобақани тарк этганидан кейин унинг мавқеига жиддий путур етди. Иккинчи ўринга Аргентина терма жамоаси сардори Лионель Месси кўтарилди — у ўз жамоасини жаҳон чемпионати финалига олиб чиқди ва турнир тўпурарлари рўйхатида пешқадамлик қилмоқда.

Кучли учликни «Барселона» ва Испания терма жамоаси вингери Ламин Ямаль якунлаб бермоқда. Испания ва Аргентина ўртасидаги жаҳон чемпионатининг ҳал қилувчи баҳси ушбу нуфузли индивидуал соврин учун курашдаги кучлар нисбатини бутунлай ўзгартириб юбориши мумкин.

Goal.com талқинига кўра «Олтин тўп» учун даъвогарларнинг кучли ўнлиги қуйидагича кўриниш олди:

1. Харри Кейн («Бавария» / Англия)

2. Лионель Месси («Интер Майами» / Аргентина)

3. Ламин Ямаль («Барселона» / Испания)

4. Майкл Олисе («Бавария» / Франция)

5. Килиан Мбаппе («Реал» / Франция)

6. Усман Дембеле («ПСЖ» / Франция)

7. Хвича Кварацхелия («ПСЖ» / Грузия)

8. Эрлинг Холанд («Манчестер Сити» / Норвегия)

9. Луис Диас («Бавария» / Колумбия)

10. Витинья («ПСЖ» / Португалия)

«Олтин тўп» топшириш маросими шу йилнинг 26 октябрь куни Лондонда бўлиб ўтади.