Ayni damda “Reyms” hujumchisi Folarin Balogun uchun kurashda “Leypsig” yetakchilik qilmoqda. Insayder Daniele Longoning so‘zlariga ko‘ra, ingliz uchun kurashda nemis klubi raqobatchilardan oldinda.
Balogun joriy mavsumda Fransiya chempionatida 20 ta gol urdi va bu “Leypsig” rahbariyatining e’tiborini tortdi. "Qizil buqalar" kelasi mavsumdan boshlab "Chelsi"da o‘ynaydigan Kristofer Nkunku o‘rniga Folarinni sotib olmoqchi.
Balogunning transferi "Arsenal"ga tegishli, "kanonirlar" uni 30 million yevro evaziga boshqa klubga qo‘yib yuborishga tayyor. Qayd etilishicha, Folarin barqaror o‘yin amaliyoti kafolatini olganida, “Emireyts”da qolgan bo‘lardi.