Айни дамда “Реймс” ҳужумчиси Фоларин Балогун учун курашда “Лейпциг” етакчилик қилмоқда. Инсайдер Даниэле Лонгонинг сўзларига кўра, инглиз учун курашда немис клуби рақобатчилардан олдинда.
Балогун жорий мавсумда Франция чемпионатида 20 та гол урди ва бу “Лейпциг” раҳбариятининг эътиборини тортди. "Қизил буқалар" келаси мавсумдан бошлаб "Челси"да ўйнайдиган Кристофер Нкунку ўрнига Фоларинни сотиб олмоқчи.
Балогуннинг трансфери "Арсенал"га тегишли, "канонирлар" уни 30 миллион евро эвазига бошқа клубга қўйиб юборишга тайёр. Қайд этилишича, Фоларин барқарор ўйин амалиёти кафолатини олганида, “Эмирейтс”да қолган бўларди.