"Liverpul" markaziy himoyachisi Virjil van Deyk braziliyalik hujumchi Roberto Firminoning ketishi haqida fikr bildirdi. Niderlandiyalik futbolchi janubiy amerikalik hujumchi o‘rnini bosa oladigan futbolchi nomini aytdi.
"Menimcha, Kodi Gakpo Firminoning yo‘qotilishining o‘rnini to‘ldirishi mumkin. U hali ham o‘rganmoqda va moslashmoqda. Gakpo uchun bu jamoadagi dastlabki olti oy, ammo u yaxshi harakat qilmoqda. U oldinga intilishda davom etishi va tinglashi kerak", - dedi Virjil 90min bilan suhbatda.
Firmino shu yozda "Liverpul"ni tekinga tark etadi. Braziliyalik futbolchi 2015 yildan buyon "mersisaydliklar" klubi sharafini himoya qilib kelmoqda.
