Fabrisio Romanoning ma’lum qilishicha, "Everton" yarim himoyachi Abdulaye Dukure bilan shartnomani bir yillik uzaytirish variantini faollashtirdi.
Endi futbolchining klub bilan shartnomasi 2024 yilning yoziga qadar amal qiladi.
Dukure 2020 yil sentyabr oyida 22 million yevro evaziga “Uotford”dan “Everton”ga o‘tgan edi. Transfermarkt ayni damda 30 yoshli malilik futbolchini 12 million yevroga baholamoqda.
Dukure joriy mavsumda Premyer-ligada 24 ta o‘yinda maydonga tushib, 4 ta gol va 2 ta golli uzatmaga mualliflik qilgan.
