Фабрицио Романонинг маълум қилишича, "Эвертон" ярим ҳимоячи Абдулае Дукуре билан шартномани бир йиллик узайтириш вариантини фаоллаштирди.
Энди футболчининг клуб билан шартномаси 2024 йилнинг ёзига қадар амал қилади.
Дукуре 2020 йил сентябрь ойида 22 миллион евро эвазига “Уотфорд”дан “Эвертон”га ўтган эди. Transfermarkt айни дамда 30 ёшли малилик футболчини 12 миллион еврога баҳоламоқда.
Дукуре жорий мавсумда Премьер-лигада 24 та ўйинда майдонга тушиб, 4 та гол ва 2 та голли узатмага муаллифлик қилган.
