Ispaniya futbol federasiyasi “Valensiya”ni yakshanba kungi o‘yinda “Real” hujumchisi Vinisius Juniorga nisbatan irqchilik nuqtai nazaridan haqorat qilgan holatlar uchun jazoladi.
Klub 45 ming yevro jarimaga tortildi. Shuningdek, Vinisiusga nisbatan irqchi haqoratlar yangragan "Mestalya" stadionining janubiy tribunasi beshta uchrashuvga yopildi.
Shunday qilib, "Valensiya" muxlislari ushbu hafta oxirida "Espanyol"ga qarshi o‘yinda, shuningdek, keyingi mavsumdagi ilk uy o‘yinlarida bu tribunaga kirishlari mumkin emas.
Ispaniyada bu mavsumda ilk marta stadion qisman yopildi.
