Испания футбол федерацияси “Валенсия”ни якшанба кунги ўйинда “Реал” ҳужумчиси Винисиус Жуниорга нисбатан ирқчилик нуқтаи назаридан ҳақорат қилган ҳолатлар учун жазолади.

Клуб 45 минг евро жаримага тортилди. Шунингдек, Винисиусга нисбатан ирқчи ҳақоратлар янграган "Месталья" стадионининг жанубий трибунаси бешта учрашувга ёпилди.

Шундай қилиб, "Валенсия" мухлислари ушбу ҳафта охирида "Эспаньол"га қарши ўйинда, шунингдек, кейинги мавсумдаги илк уй ўйинларида бу трибунага киришлари мумкин эмас.

Испанияда бу мавсумда илк марта стадион қисман ёпилди.