«Челси» ярим ҳимоячиси Энцо Фернандес Мадриднинг «Атлетико» клубининг потенциал трансфер нишони ҳисобланади.
Журналист Саймон Филлипснинг хабар беришича, «матрасчилар» аргентиналик футболчини шу ёзда харид қилиш имкониятини кўриб чиқмоқда. Юлдуз хавбек «Челси»ни тарк этишни истайди ва «Атлетико»га ўтиш ғоясини маъқуллайди. Трансфер нархи муаммо бўлиши мумкин: «кўклар» 25 ёшли футболчи учун тахминан 120 миллион фунт стерлинг (140 миллион евродан ортиқ) талаб қилиши кутилмоқда.
Ёз бошида Энцо Фернандесга Мадриднинг «Реал» клуби қизиқиш билдираётгани ҳақида хабарлар тарқалган эди. Кейинчалик «қироллик клуби» футболчини сотиб олиш нияти ҳақидаги барча миш-мишларни рад этувчи расмий баёнот бериб, бу гап-сўзларга чек қўйди.
