Sky Sports jurnalisti Paolo Agemoning so‘zlariga ko‘ra, joriy mavsum yakunlangach, hozirda boshqa jamoalarda ijara asosida o‘ynayotgan bir qator futbolchilar "Yuventus"ga qaytadi.

Manbaga ko‘ra, hozirda "Tottenxem"da o‘ynayotgan Deyan Kulushevski Turinga qaytadi. “Lids”dan Ueston Makkenni ham Massimiliano Allegri jamoasiga kelib qo‘shiladi.

Hozirda "Liverpul"da o‘ynayotgan jarohat olgan Artur keyingi mavsumda Yurgen Klopp jamoasida qolmaydi. “Chelsi”ga ijaraga berilgan Denis Zakariya ham yozda “Yuventus”ga qaytadi.

Eslatib o‘tamiz, "Yuventus"dan moliyaviy firibgarlik va klub kapitalini oshirish qoidalarini buzgani uchun 10 ochko olib tashlangan.