Sky Sports журналисти Паоло Агемонинг сўзларига кўра, жорий мавсум якунлангач, ҳозирда бошқа жамоаларда ижара асосида ўйнаётган бир қатор футболчилар "Ювентус"га қайтади.
Манбага кўра, ҳозирда "Тоттенхэм"да ўйнаётган Деян Кулушевски Туринга қайтади. “Лидс”дан Уэстон Маккенни ҳам Массимилиано Аллегри жамоасига келиб қўшилади.
Ҳозирда "Ливерпуль"да ўйнаётган жароҳат олган Артур кейинги мавсумда Юрген Клопп жамоасида қолмайди. “Челси”га ижарага берилган Денис Закария ҳам ёзда “Ювентус”га қайтади.
Эслатиб ўтамиз, "Ювентус"дан молиявий фирибгарлик ва клуб капиталини ошириш қоидаларини бузгани учун 10 очко олиб ташланган.
