"Yuventus" klubi darvozabon Karlo Pinsolyo bilan shartnomani uzaytirganini e’lon qildi.
33 yoshli posbon bilan 2025 yilning iyun oyi oxirigacha mo‘ljallangan shartnoma imzolangan.
2022/2023 yilgi mavsumda Pinsolyo "Yuventus" safida birorta ham o‘yin o‘tkazmagan. Shu bilan birga, darvozabon turinliklar kiyinish xonasida haqiqiy tumor sanaladi. Avvalroq Krishtianu Ronaldu Karloni "An-Nasr"ga chaqirgani haqida xabar berilgan edi.
Umuman olganda, 33 yoshli Pinsolyo "Yuventus" asosiy tarkibida beshta o‘yin o‘tkazgan. Ularda darvozabon beshta gol o‘tkazib yubordi.
"Yuventus" ayni damda Italiya chempionati turnir jadvalida 7-o‘rinni egallab turibdi.