"Fiorentina" bosh murabbiyi Vinchenso Italyano "Tottenxem"ni boshqarishi mumkin.

London klubi yaqin-yaqingacha jamoaning yangi bosh murabbiyi lavozimiga asosiy nomzod hisoblangan “Feyenoord” ustozi Arne Slot bilan kelisha olmadi.

Insayder Janluka di Marsioning so‘zlariga ko‘ra, "shporlar" yangi mavsum uchun bosh murabbiy qidirishda davom etmoqda, Italyano esa ularning qisqa ro‘yxatida bor.

Mish-mishlarga ko‘ra, 45 yoshli mutaxassisning "binafsharanglar" bilan shartnomasida 10 million yevro miqdoridagi pul mablag‘i borligi ko‘rsatilgan, biroq di Marsio bu ma’lumotlarni rad etgan.

Vinchenso Italyanoning "Fiorentina" bilan shartnomasi keyingi mavsum oxirigacha amal qiladi.