Nemis mutaxassisi Yan-Kristian Drizen "Bavariya"ning yangi bosh direktori bo‘ldi, deya xabar beradi klub rasmiy sayti.
55 yoshli mutaxassis 27 may kuni “Kyoln” ustidan qozonilgan g‘alabadan so‘ng (2:1) ishdan bo‘shatilgan Oliver Kanning o‘rnini egalladi. Drizen so‘nggi o‘n yil davomida klub boshqaruvi raisi o‘rinbosari bo‘lib kelgan.
“Bavariya” so‘nggi turda “Kyoln”ni 2:1 hisobida mag‘lub etib, mavsum yakunida Germaniya chempionligini qo‘lga kiritdi. Yana bir uchrashuvda Dortmundning “Borussiya”si o‘z maydonida “Mayns” bilan durang o‘ynadi (2:2) va qo‘shimcha ko‘rsatkichlar bo‘yicha “Bavariya”ga imkoniyatni boy berib, mavsumni ikkinchi o‘rinda yakunladi.
