Немис мутахассиси Ян-Кристиан Дризен "Бавария"нинг янги бош директори бўлди, дея хабар беради клуб расмий сайти.
55 ёшли мутахассис 27 май куни “Кёльн” устидан қозонилган ғалабадан сўнг (2:1) ишдан бўшатилган Оливер Каннинг ўрнини эгаллади. Дризен сўнгги ўн йил давомида клуб бошқаруви раиси ўринбосари бўлиб келган.
“Бавария” сўнгги турда “Кёльн”ни 2:1 ҳисобида мағлуб этиб, мавсум якунида Германия чемпионлигини қўлга киритди. Яна бир учрашувда Дортмунднинг “Боруссия”си ўз майдонида “Майнц” билан дуранг ўйнади (2:2) ва қўшимча кўрсаткичлар бўйича “Бавария”га имкониятни бой бериб, мавсумни иккинчи ўринда якунлади.
