«Реал» 2025/26 йилги мавсум якунлари бўйича рекорд даражадаги молиявий кўрсаткичларни эълон қилди.

Клубнинг ўтган мавсумдаги операцион даромадлари ўтган даврга нисбатан 3,1% га ўсиб, спорт клублари учун рекорд даражадаги 1,221 млрд еврога етди.

EBITDA кўрсаткичи (фоизлар, солиқлар ва амортизация чегирилгунга қадар олинган фойда) 18% га ўсиб, 287,4 млн еврони ташкил этди (+18%), бу клуб тарихидаги энг юқори кўрсаткичдир. Солиқлар тўланганидан кейинги соф фойда 26 млн еврони ташкил этди — бу ўтган йилгидан 8% га кўп.

Қайд этилишича, стадиондан тушган даромадлар ўтган йилга нисбатан 11% га, маркетинг даромадлари эса 6% га ошган.

2018/19 йилги мавсумдан бери «Реал»нинг умумий тушуми 61% га ўсди. Шу билан бирга, стадиондан олинадиган даромадлар «Сантьяго Бернабеу» реконструкцияси бошлангунга қадар бўлган 2018/19 йилги мавсумга нисбатан икки баравардан кўпроққа — 107% га ошди (стадион қайта қурилишининг қиймати 1,407 млрд еврога баҳоланмоқда).