Madridning “Real” klubi “Tottenxem” hujumchisi Xarri Keynga jiddiy qiziqish bildirmoqda, u joriy mavsumda APLda 30 ta gol urib, o‘zining shaxsiy to‘purarlik rekordini yangiladi.

Marca nashri xabariga ko‘ra, "Real Madrid" Keyn bilan shartnoma imzolashni xohlaydi, ammo "Qirollik klubi" "Tottenxem" prezidenti Deniyel Levi bilan muzokaralar olib borishni istamaydi. "Qaymoqranglilar" "shporlar" rahbari transfer uchun juda ko‘p pul so‘rashini tushunishmoqda. Agar Keyn shartnomasini yangilamasa va bir yildan so‘ng erkin agentga aylansa, "Real" uni qo‘lga kiritish uchun kurashishga harakat qiladi.

Eslatib o‘tamiz, Keyn bu yozda "Manchester Yunayted"ga o‘tishi mumkin, "qizil iblislar" transferni amalga oshirishga harakat qiladi.