Мадриднинг “Реал” клуби “Тоттенхэм” ҳужумчиси Харри Кейнга жиддий қизиқиш билдирмоқда, у жорий мавсумда АПЛда 30 та гол уриб, ўзининг шахсий тўпурарлик рекордини янгилади.
Marca нашри хабарига кўра, "Реал Мадрид" Кейн билан шартнома имзолашни хоҳлайди, аммо "Қироллик клуби" "Тоттенхэм" президенти Дэниел Леви билан музокаралар олиб боришни истамайди. "Қаймоқранглилар" "шпорлар" раҳбари трансфер учун жуда кўп пул сўрашини тушунишмоқда. Агар Кейн шартномасини янгиламаса ва бир йилдан сўнг эркин агентга айланса, "Реал" уни қўлга киритиш учун курашишга ҳаракат қилади.
Эслатиб ўтамиз, Кейн бу ёзда "Манчестер Юнайтед"га ўтиши мумкин, "қизил иблислар" трансферни амалга оширишга ҳаракат қилади.