"Byornli" "PSJ" yarim himoyachisi Fabian Ruisni sotib olmoqchi.
Ispaniyalik futbolchi o‘tgan yozda "Napoli"dan parijliklar safiga kelib qo‘shilgandi, ammo asosiy tarkibda o‘zini ko‘rsata olmadi.
Jurnalist Santi Aunaning so‘zlariga ko‘ra, Angliyaning “Byornli” klubi Ruis uchun yangi da’vogarga aylandi. Premyer-ligaga ko‘tarilgan klub 27 yoshli yarim himoyachini yozgi transferning asosiy maqsadi deb belgiladi. Muammo "PSJ"ning futbolchi uchun katta mablag‘ talab qilishida bo‘lishi mumkin.
Fabian Ruis parijliklar safida 37 ta uchrashuvda 3 ta gol va 3 ta golli uzatmaga mualliflik qilgan.