"Бёрнли" "ПСЖ" ярим ҳимоячиси Фабиан Руисни сотиб олмоқчи.
Испаниялик футболчи ўтган ёзда "Наполи"дан парижликлар сафига келиб қўшилганди, аммо асосий таркибда ўзини кўрсата олмади.
Журналист Санти Аунанинг сўзларига кўра, Англиянинг “Бёрнли” клуби Руис учун янги даъвогарга айланди. Премьер-лигага кўтарилган клуб 27 ёшли ярим ҳимоячини ёзги трансфернинг асосий мақсади деб белгилади. Муаммо "ПСЖ"нинг футболчи учун катта маблағ талаб қилишида бўлиши мумкин.
Фабиан Руис парижликлар сафида 37 та учрашувда 3 та гол ва 3 та голли узатмага муаллифлик қилган.